E tërë Malisheva dalin për ta pritur: Mërgimtari kthehet në Kosovë pas 22 vitesh

Një rast i veçantë ka ndodhur këto ditë në Kosovë, derisa një mërgimtarë është kthyer në vendlindje pas 22 viteve, transmeton Gazeta Metro.

Mërgimtari nga Amerika, Nazmi Berisha, është kthyer në Kosovë pas 22 viteve dhe për kthimin e tij pas dy dekadash, po thuajse i gjithë fshati Gurbardh i Malishevës, kanë dal për ta pritur në Aeroportin e Prishtinës.

Historia e Nazmiut, është mjaft interesante, pasi në mungesë dokumentesh, ai nuk kishte mundësi të vizitonte vendlindjen për 22 vite, ndonëse kishte munguar për kaq vite, ai nuk ishte shkëputur asnjëherë nga vendlindja pasi u kishte ndihmuar me mijëra dollarë bashkëvendësit e tij nevojtarë, dhe për këtë fshati i tij i kanë përgatitur një pritje mjaft interesante.

Siç shihet edhe në një video, përveç pritjes në Aeroport, radhë të gjata për ta përshëndetur atë ishin bërë edhe në fshatin Gurbardh.