E sulmuan qenët që ruanin delet, e bëjnë për spital

Në fshatin Hoçë e Vogël të Rahovecit, dje në orët e mbrëmjes (17:25), sipas raportit të sotshëm të policisë, qenët sulmuan një viktimë, të cilit i shkaktuan plagë.

Viktima mashkull, K/shqiptar, ka njoftuar se derisa ka qenë duke ecur në fushë është sulmuar nga 4 qen dhe si pasojë e kafshimit nga qenët ka pësuar lëndime trupore, thuhet në raport.

Viktima është dërguar për tretman mjekësor në Spitalin e Gjakovës, transmeton gazetametro.net.

Lidhur me rastin është intervistuar pronari i qenve, i cili ka deklaruar se ata i mban për t’i ruajtur delet.

Me vendim të prokurorit rasti shkon në procedurë të rregullt.  /gezetametro.net