Loading…

E rëndë: Nëna dërgon foshnjën 9-muajshe pa shenja jete në Spitalin e Pejës, dyshohet se vdiq nga helmimi

  • 22/06/2022 | 09:05

E rëndë: Nëna dërgon foshnjën 9-muajshe pa shenja jete në Spitalin e Pejës, dyshohet se vdiq nga helmimi

Një ngjarje e rëndë ka ndodhur të martën, në orët e pasdites, në Pejë. Në Emergjencën e Spitalit të këtij qyteti u dërgua pa shenja jete një foshnje 9-muajshe.


Sipas informatave të para nga ekipi mjekësor, fëmija dyshohet se ka vdekur si pasojë e helmimit.

Burimet e Sinjalit brenda Emergjencës kanë bërë të ditur se fëmijën e dërgoi në këtë qendër nëna, e cila ka deklaruar se është nga Ferizaj, por që është duke punuar që dy muaj në fshatin Bogë dhe nga atje e kishte transferuar foshnjën në spital.

Policia është njoftuar nga spitali lidhur me rastin, ndërkohë që një patrullë ka dalë në vendin e ngjarjes, për të marrë një deklaratë nga nëna.

Për t’i zbardhur rrethanat e ngjarjes dhe për ta gjetur shkaktarin prej të cilit vdiq fëmija, Prokurori i Shtetit ka urdhëruar që trupi të dërgohet në IML për obduksion.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë