E rëndë në Ferizaj: Gruaja lind në tualetin e Emergjencës, foshnja vdes më pas

Një foshnje ka humbur jetën pak kohë pas lindjes në tualetin e Emergjencës në Ferizaj, ndërsa policia rastin po e heton si “vrasje e foshnjes gjatë lindjes”, përcjell Gazeta Metro.

Lidhur me rastin, autoritetet raportojnë se një grua dyshohet se ka lindur foshnjën në hapësirat e tualetit të Emergjencës.

Sipas autoriteteve, foshnja ishte në gjendje të rënduar shëndetësore dhe ndërroi jetë menjëherë pas lindjes.

“Lidhur me rastin me vendim të prokurorit trupi i pajetë i foshnjës është dërguar në IML për obduksion, ndërsa e dyshuara femër kosovare vazhdon trajtimin mjekësor”, thuhet në raportin e PK./gazetametro.net