E pranon më në fund Vitia: Po, kemi refuzuar vaksina

Ministri i Shëndetësisë, Arben Vitia, pas raportimeve sot në media për refuzim të vaksinave e ka pranuar një gjë të tillë në konferencë për media, shkruan Gazeta Metro.

Vitia ka pranuar se janë refuzuar këto donacione, pasi siç thotë ai, ka pasur rrezik që atyre t’u dalë afati.

“Po, është e vërtetë, janë refuzuar disa donacione me vaksinën Astra Zeneca. Kanë qenë oferta për donacione, pas donacionit që kemi marrë nga Norvegjia, të cilat kanë pasur një afat skadence jooptimal, që do të na kishte garantuar administrimin për qytetarëve tanë. Ne i kemi falënderuar dhe i kemi refuzuar sepse ka pasur rrezik se nuk do të mund t’i administrojmë”, tha Vitia.