‘E papritur’: Edhe Hovenier shkon në takimin Kurti-Lajcak

Ambasadori amerikan në Kosovë, Jeffrey Hovenier, i është bashkuar emisarit të BE-së për dialog, Miroslav Lajçak dhe kryeministrit Albin Kurti në një drekë pune që po zhvillohet në një nga lokalet e kryeqytetit, raporton Klan Kosova.

Ndryshe para këtij takimi i cili po mbahet në një nga lokalet në kryeqytet, Kurti ka zhvilluar një takim me ambasadorët e shumicës së shteteve prezente në Kosovë.

Kurti po shoqërohet në takimin me emisarin evropian nga zëvendëskryeministri Besnik Bislimi.

Vizita e Lajçakut në Prishtinë ndodh në kohën e rritjes së kërkesave nga faktori ndërkombëtar që Kosova të themelojë Asociacionin e komunave me shumicë serbe.

Pas qëndrimit në Prishtinë, Lajçak do të udhëtojë për takime në Beograd.

Ndërkaq, më herët, gjatë së hënës, u takua me ambasadorët e shteteve të QUINT-it.

Në QUINT bëjnë pjesë: Shtetet e Bashkuara, Franca, Gjermania, Mbretëria e Bashkuar dhe Italia.

Së fundmi, SHBA-ja dhe BE-ja kanë intensifikuar përpjekjet e tyre për të shtyrë Kosovën dhe Serbinë drejt një marrëveshjeje për normalizimin e plot të raporteve