Loading…

E dëgjuam edhe këtë: Mozzik thotë se Kadare e ka cilësuar poet Unikkatil’in

  • 20/02/2022 | 19:58

E dëgjuam edhe këtë: Mozzik thotë se Kadare e ka cilësuar poet Unikkatil’in

Reperi  nga Ferizaj, Gramoz Aliu i njohur me emrin artistik ‘Mozzik’, ka qenë i ftuar së fundmi në emisionin “Oxygen”, ndërsa ka habitur me një deklaratë për Unikkatil.


E kur u pyet për miqësitë në estradës, reperi 26-vjeçar tha se ruan raporte të mira me të gjithë, teksa foli me lëvdatat më të mëdha për kolegun e tij, reperin Unikkatil, me të cilin ka edhe një bashkëpunim të titulluar “Shqiptar”.

Reperi me prejardhje nga Ferizaj pranoi se ka qenë një fans i tij që nga fëmijëria, duke thënë se kishte shkuar shumë orë para kohe në koncertin e madh të Unikkatilit në vitin 2012.

Ndër të tjerash, ai gjithashtu vuri në dukje se shkrimtari i madh shqiptar, Ismail Kadare, e ka quajtur ‘shkrimtar’ Unikkatilin në një vlerësim për të.

Mozzik fajësoi mediat që nuk i kanë dhënë jehonë faktit që shkrimtari i nominuar për çmim “Nobel”, ka shprehur këtë vlerësim për reperin shqiptar i cili jeton dhe vepron në ShBA, emri i vërtetë i të cilit është Viktor Paloka.

“Punën që din ta bëjë ai e bën më së miri, zhanrin të cilin e bën ai, tekstet që i ka shkruar ai…Nëpër media asnjëherë s’e kam parë që Ismail Kadare e ka cilësuar si shkrimtar, e kur Ismail Kadare ta cilëson Unikkatilin si shkrimtar, këta të tjerët s’kanë çfarë t’i thonë”, ka thënë Mozzik.

Por kjo mbetet një legjendë urbane që qarkullon prej vitesh te adhuruesit e muzikës rap në Shqipëri dhe Kosovë se shkrimtari Ismail Kadare ka vlerësuar tekstet e ‘Unikkatil’. Sipas kësaj legjende, Kadare e ka konsideruar ‘Unikkatil’ si një poet të vërtetë dhe pasuesin e tij.

Por e vërteta është se Kadare nuk i ka thënë kurrë këto fjalë dhe se ato janë përhapur në rrjetet sociale pa asnjë provë.

Prandaj edhe Mozzik si duket nuk ia ka idenë se një intervistë e tillë e Kadares nuk ekziston rreth Unikkatil, dhe kjo dëshmon se është preh e thashethemeve në rrjete sociale dhe e njohurive të pakta.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë