Dua Lipa nga Kosova: Patëm një dasmë të madhe shqiptare, po na rritet rrethi

Këngëtarja shqiptare me famë ndërkombëtare, Dua Lipa, ndau me ndjekësit disa momente nga një dasmë ku ishte e pranishme së fundmi në Kosovë.

Artistja mori pjesë në ceremoninë martesore të kushëririt të saj, ndërsa përmes një postimi në Instagram ka publikuar fotografi dhe video nga atmosfera e festës.

Dua shprehu gëzimin për martesën e kushëririt, duke e shoqëruar publikimin me një urim për çiftin.

“Kushëriri im u martua me gruan e ëndrrave të tij dhe patëm një dasmë të madhe shqiptare. Po na rritet rrethi”, shkroi ajo krahas materialeve të publikuara të dielën.

Prania e Duas në këtë ngjarje vjen si një nga vizitat e saj më private në Kosovë, pa ndonjë angazhim apo paraqitje publike të paralajmëruar.