Loading…

Dua Lipa nderoi mbrojtësit e guximshëm të të drejtave të njeriut

  • 02/10/2022 | 19:37

Dua Lipa nderoi mbrojtësit e guximshëm të të drejtave të njeriut

Këngëtarja shqiptare me famë ndërkombëtare, Dua Lipa, është bashkuar me Amal dhe George Clooney, këtë javë për të nderuar mbrojtësit e guximshëm të drejtësisë dhe të drejtave të njeriut përmes çmimeve inauguruese Albie të Fondacionit “Clooney For Justice”.


Ajo me këtë rast kishte nderin të prezantojë çmimin Justice for Survivors mikes së saj, Nadia Murad, në iAct, për punën me të mbijetuarit e gjenocidit dhe mizorive të tjera masive.

IAct ndërkohë punoi me Fondacionin Clooney për Drejtësi për të intervistuar të mbijetuarit nga Darfur, Sudan, të cilët kanë qenë të bllokuar në kampet e refugjatëve në Çad për më shumë se një dekadë.

Avokatja Amal njëherësh bashkëshortja e aktorit, George Clooney, përfaqësoi mbi 100 të mbijetuar në një gjyq të një drejtuesi të milicisë në Gjykatën Penale Ndërkombëtare.

“Unë kam mësuar përmes miqësisë sime dhe punës sime në fushatën time me Nadia Murad se sa e rëndësishme është të mbledhësh dëshmi nga të mbijetuarit e gjenocidit dhe ta bësh këtë në një mënyrë të ndjeshme. Është shumë e vështirë t’i kërkosh dikujt të rijetojë traumën e tij, por siç ka treguar Amal, të mbijetuarit kanë fuqi të madhe përmes dëshmisë së tyre në gjyqet kundër autorëve të mizorive masive”, tha Lipa.

“Ishte një privilegj të isha pjesë e kësaj nate me miq të vjetër dhe të rinj që u bashkuan për të nderuar këta mbrojtës të mëdhenj të demokracisë, të drejtave të barabarta, fjalës së lirë, të drejtave të grave, barazisë racore dhe drejtësisë për të mbijetuarit”, përfundoi krijuesja e hitit “Levitating”.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë