Drenori, Veselit: Ejani mjelim buallica

Kandidati i pavarur në zgjedhjet e jashtëzakonshme për kryetar të Drenasit, Xhavit Drenori, ka filluar fushatën e tij ende pa filluar ajo zyrtarisht, duke u marr drejtpërdrejt me kryetarin e PDK-së, Kadri Veseli.

Ai ka ftuar Veselin për mjelje të buallicave, duke i thënë se kjo do të ishte më mirë se sa mjelja e qytetarëve.

Shkrimi i plotë i Xhaxit Drenorit në Facebook:

Veseli, hajdeni e mjelim bollicën e jo më qytetarët e Drenasit.

Boll ma! 17 vite Drenasi u shfrytëzu si plaçkë nga shumë shokë të Juaj duke shkelur besimin dhe përkrahjen e qytetarëve.

Ferronikeli- nga 900 punëtorë, vetëm rreth 500 i ka nga Drenasi.

Tymin, pluhurin e besa edhe helmin e thithin vetëm qytetarët e Drenasit.

Gurthyesit që operojnë në komunën e Drenasit janë me shumë defekte ligjore.

Pompa, hotele, motele e restaurante të ndërtuara në tokë bujqësore në komunën e Drenasit (absolutisht jashtëligjshëm).

Ndërtime të larta në qendër të Drenasit në kundërshtim me ligjin.

Zyrtarë komunal në drejtorinë e urbanizmit që ashiqare i shesin lejet ndërtimore.

Rrugë, kanalizime të ndërtuara me cilësi jashtë çdo standardi të lejuar nga firma (operatorë ekonomik) në lidhje të ngushtë familjare apo klientelë me politikën.

Kulminacioni i të keqës që do ketë pasoja negative afatgjate në komunën tonë është angazhimi i mësimdhënësve me diploma falco; me diploma vetëm të shkollës së mesme (kryesisht familjarë apo klientë të politikës).

Të gjitha këto që i përmenda e kanë një emërues të përbashkët: mbrapa këtyre keqpërdorimeve qendrojnë njerëz të partisë (disa nga ta shumë të afërt me Ju).

Boll ma o burrë i dheut!

Në krye të partisë erdhët me premtimin bazë: luftë e pa kompromis kundër korrupsionit. Madje haptas thatë që PDK-ja do distancohet nga keqpërdorues të pozitave zyrtare që i kanë fituar nga partia.

Eja në Drenas, të gjithë këta zyrtarë janë të identifikuar me emra të përveqëm dhe me një mal shkeljesh ligjore.

E patëm shancen me fillu me Drenas me pastru partinë nga hajnat.

Më mbështetjën e disa nga njerëzve afer Jush e fillova dhe kogja me sukses për tri vite arrita me i identifiku, demasku dhe luftu keqpërdoruesit që lidhen me parti.
E lëshuat këtë shancë!

Pra, veprimet e mija 100% brenda statutit të PDK-së i injoruat dhe vendosët të përkrahni njerëz pa fije kredibiliteti profesional dhe moral.

Dita kur do të bindeni që unë isha më PDK, pra shumë më shumë se ata që po i përkrahni, nuk është larg.

Zoti Veseli ,sikur të mbështetnit vizionin tonë,vizionin e qytetarëve me besoni që nuk do të kishit nevojë të angazhonit në fushatë deputetë e ministra .

“Blerja” e zotit Bazaj ishte e vonë zoti Veseli meqë perkrahesit e tij ishin dhe janë kategorikë kundër kandidatit të PDK-së për kryetar të Drenasit, prandaj balotazhi është i pashmangshëm në Drenas.