Loading…

Djali i Hysni Gucatit: S’po na lejojnë ta shohim babain se gjoja nuk kemi mjete financiare

  • 31/07/2021 | 16:14

Djali i Hysni Gucatit: S’po na lejojnë ta shohim babain se gjoja nuk kemi mjete financiare

Tash 11 muaj familjarët e Hysni Gucatit dhe të tjerëve të cilët po mbahen në paraburgim në Hagë, nuk kanë pasur mundësi të vizitojnë ata. Organizata e Veteranëve të Luftës po thotë se ky refuzim është tendencioz dhe se janë të informuar se vetëm vajza e Jakup Krasniqit ka pasur mundësi të vizitojë babain e saj në Hagë.


Ushtruesi i detyrës së kryetarit në OVL-UÇK në një konferencë të jashtëzakonshme tha se po dëshmohet se Gjykata Speciale në Hagë nuk është e Kosovës.

“I është refuzuar familjes së Hysniut vizita. Si OVL-UÇK ne kemi shfaqur më parë padrejtësitë nga kjo gjykatë. E kanë dërguar një gjykatë e cila ia mohuan të drejtat e njeriut familjarëve. Po dëshmohet se kjo gjykatë nuk është e Kosovës. Me mos lirimin e vizitave duke u thirr më çështje financiare, shkelën të drejtat e njeriut familjarëve të cilët kanë të drejtë të vizitojnë familjarët në Hagë. Hysniun dhe të tjerët i kanë arrestuar dhe i kanë dërgu në Hagë pa letërnjoftim”, është shprehur Klinaku.

Djali i Hysni Gucatit, Musliu tha se autoritetet holandeze nuk po lejojnë të shkojnë në vizitë, ndërsa qendra e paraburgimit në Hagë nuk ka ndërmarr asnjë veprim.

“Ministria e Drejtësisë së Kosovës i ka përmbushur të gjitha detyrat e saj ka garantuar për heqjen e të gjitha shpenzimeve. Familjarët që kanë pasur të shkojnë në Hagë janë vaksinuar me kohë. Është diçka diskriminuese se gjoja që nuk kemi mjete financiare. Po na privojnë nga e drejta që ta shohim babën tonë”, u shpreh ai.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë