Loading…

Diplomon në sociologji, punësohet si mësimdhënës i matematikës

  • 21/06/2017 | 19:59

Diplomon në sociologji, punësohet si mësimdhënës i matematikës

Komuna e Fushë Kosovës ka punësuar një mësimdhënës të matematikës, i cili nuk ka lidhje me matematikë. Në vend të matematikës i punësuari nga kjo komunë ka kryer sociologjinë.


Gjetjet e Auditorit në Komunën e Fushë Kosovës vënë në pah faktin Komuna ka angazhuar me vendim dy mësimdhënës për lëndët e Gjuhës shqipe dhe Matematikë në shkollën fillore e mesme e ulët ‘’Selman Riza‘’, në kohëzgjatje prej tre muajsh.

“Njëri mësimdhënës me kualifikim Bachellor i Sociologjisë është pranuar për lëndë të matematikës”, thuhet në raportin e auditorëve për këtë komunë, raporton Insajderi.

Në anën tjetër, po sipas këtij raporti, të punësuarve nuk u janë paguar kontributet pensionale dhe tatimi në pagë, siç kërkohet me Ligjin për tatimin në të ardhurat personale nr. 03/L-161.
Angazhimi i mësimdhënësve joadekuat sipas përvojës dhe kualifikimit, sipas auditorëve, mund të rezultoi me performancë jo të kënaqshme në procesin mësimor dhe në suksesin e nxënësve.

“Shmangia nga pagesa e tatimeve dhe kontributeve të punësuarve me kontratë për marrëveshje të veçanta mund të ndikoj në ndëshkimin e komunës nga ana e autoriteteve tatimore”, thuhet në raport.

Auditorët kanë rekomanduar kryetarin e Komunës që të rishikoj rastet për të cilat janë angazhuar mësimdhënësit dhe të konsideroj nëse angazhimet e tilla janë të përshtatshme për pozitat e caktuara.
Gjtihashtu është rekomanduar që të sigurohet se tatimet dhe kontributet janë paguar sipas ligjit në fuqi për tatimin në të ardhura personale.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë