Loading…

Dikush “i heqi kabllot nga rryma”, fjalimi i Vuçiqit u ndërpre gjatë një transmetimi televiziv

  • 02/12/2021 | 13:21

Dikush “i heqi kabllot nga rryma”, fjalimi i Vuçiqit u ndërpre gjatë një transmetimi televiziv

Gjatë një transmetimi televiziv ku po fliste presidenti i Serbisë, Aleksandar Vuçiq, ka pasur një ndërprerje të shkurtër të sinjalit televiziv.


Dhe siç thekson RTS, ndërprerja është shkaktuar nga një person i paidentifikuar, me tërheqjen e qëllimshme të kabllove nga rryma nga automjetet për transmetim satelitor, shkruajnë mediat e huaja.

Për këtë “RTS u ka kërkuar falje shikuesve edhe pse ndërprerja e transmetimit ka qenë për faj të dikujt tjetër”, thuhet në komunikatën e Radio Televizionit të Serbisë.

Siç bëhet e ditur, Aleksandar Vuçiq iu drejtua publikut dhe foli për çështje që kanë të bëjnë me ndërmarrjen Rio Tinto, Ligjin për Shpronësimin dhe tema të tjera, përcjell Telegrafi.

Ndryshe, presidenti i Serbisë së fundmi ka nxitur një diskutim në rrjetet sociale pasi ka paralajmëruar vendosjen e masave të reja demografike.

“Duke pasur parasysh faktin që dalëngadalë po zhdukemi si komb, duhet të mendojmë se si ta zgjidhim këtë problem. Pavarësisht nga miratimi i buxhetit, ne do të paguajmë menjëherë 300 mijë dinarë për çdo fëmijë të parëlindur nga 1 janari, në vend të aktuale 100,000”, citohet të ketë thënë Vuçiq.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë