Digjet kamioni në autostradën ‘Ibrahim Rugova’

Një kamion është përfshirë nga flakët në autostradën “Ibrahim Rugova”.

Në pamje shihet një kamion i përfshirë nga flakët saktësisht në “Duhël”.

Rastin e ka konfirmuar edhe  Shaqir Bytyqi, zëdhënës i Policisë së Kosovës në rajonin e Prizrenit.

“Një kamion është përfshirë nga flakët në Duhël. Fatmirësisht nuk ka persona të lënduar. Për rastin në fjalë është njoftuar policia si dhe zjarrfikësit, të cilët ndodhen në vendin e ngjarjes dhe po merren me rastin”, ka deklaruar Bytyqi

Bytyqi po ashtu bëri të ditur se autoritetet po monitorojnë situatën dhe po marrin të gjitha masat e nevojshme për të siguruar vendngjarjen dhe për të parandaluar rreziqe të mëtejshme.