Digjen matësit e rrymës, banorët mbesin pa energji (Video)

Një defekt ka shkaktuar djegien e matësve të rrymës në një ndërtesë në qendër të Prishtinës. Sipas banorëve, zyrtarët e kompanisë KEDS kanë qenë në vendngjarje bashkë me Policinë, por nuk kanë bërë rregullimin e orëve të rrymës.

“KEDS’i na ka thënë se deri të hënën nuk keni rrymë”, tha njëri nga banorët për Klan Kosova, duke shtuar se nuk është hera e parë që ata kanë telashe të tilla.

“Çdo vit ndodhin avari në këtë kënd”.

Banorët janë shprehur të gatshëm të kontribojnë që kjo gjendje të sanohet dhe ata të kenë rrymë pa telashe.

“Kërkojmë nga KEDS’i që të na e rregullojë orët dhe të na e faturojë koston përmes faturave të rrymës si pagesë shtesë”, thotë njëri nga banorët.

Mungesa e energjisë i ka dëmtuar edhe bizneset që gjenden në këtë zonë të kryeqytetit. /gazetametro.net