Loading…

Dialogu Prishtinë-Beograd: PE voton nesër rezolutën që kërkon njohjen reciproke të Serbisë dhe Kosovës

  • 05/07/2022 | 23:10

Dialogu Prishtinë-Beograd: PE voton nesër rezolutën që kërkon njohjen reciproke të Serbisë dhe Kosovës

Teksti përfundimtar i raportit për Serbinë, në formë rezolute, duhet të miratohet nesër në seancën plenare të Parlamentit Evropian në Strasburg, dhe kjo është hera e parë që zyrtarisht përmendet njohja e ndërsjellë e Serbisë dhe Kosovës në një dokument të BE si zgjidhje e nevojshme për dialogun ndërmjet Beogradit dhe Prishtinës.


Krahas rezolutës për Serbinë, Parlamenti Evropian duhet të miratojë edhe rezolutën për Kosovën të mërkurën, më 6 korrik. Raportuesi për Serbinë, deputeti Vladimir Bilçik nga Partia Popullore Evropiane dhe raportuesja për Kosovën, Viola von Cramon, deputete e Partisë së Gjelbër, kanë paralajmëruar një konferencë të përbashkët për media në Strasburg.

Në mesin e qershorit, projekt-rezoluta për Serbinë u miratua nga Komisioni për Politikë të Jashtme të Parlamentit Evropian (AFET) me 55 vota pro dhe pesë kundër.

Një pjesë e fjalisë në projekt-rezolutën, e cila i bën thirrje Serbisë dhe Kosovës të arrijnë një marrëveshje për normalizimin e marrëdhënieve bazuar në njohjen reciproke, është shtuar përmes një amendamenti të paraqitur nga Lukas Mandl, anëtar i Partisë Popullore Evropiane.

Mandl është anëtar i Parlamentit Evropian që nga viti 2017 dhe është anëtar i Partisë Popullore Austriake, e cila deri vitin e kaluar drejtohej nga Sebastian Kurz, raportoi portali EWB.

Ky amendament u mbështet edhe nga deputetë të grupeve të tjera, duke përfshirë socialdemokratët dhe të gjelbërtit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë