Loading…

Deputetja e LDK’së: Nëse bëhet liberalizimi i vizave, s’është meritë e kësaj Qeverie

  • 28/09/2022 | 07:58

Deputetja e LDK’së: Nëse bëhet liberalizimi i vizave, s’është meritë e kësaj Qeverie

Rrezarta Krasniqi, kryetare e Komisionit për Integrime Evropiane, ka thënë se liberalizimi i vizave për kosovarët ka gjasa të ndodhë më 13 tetor.


“Liberalizimi i vizave është çështje e zgjatur dhe më në fund kësaj çështjeje po i vjen fundi, ku më 13 tetor në presidencën çeke pritet të mbahet takimi ku edhe liberalizmi i vizave për Kosovën është në agjendë”, ka thënë Krasniqi.

Ajo tha se nëse do të ndodhë liberalizimi i vizave këtë kohë, nuk është meritë e qeverisë Kurti, por e qeverive paraprake.

“Nëse tash përfundon çështja e liberalizimit të vizave nuk është meritë e kësaj qeverie, pasi kanë punuar shumë më herët edhe qeveritë paraprake. Qeveria duhet të punojë më shumë, sepse ka pasur një zbehje të kësaj qeverie në agjendën ndërkombëtare, sepse qeveria po i bën dy vjet dhe nuk e kemi asnjë njohje të re apo ndonjë aplikim në organizata ndërkombëtare”, ka thënë Krasniqi.

Sipas saj, qeveria duhet të reflektojë, pasi siç thotë ajo, është një moment shumë i mirë për Kosovën pas luftës që është duke ndodhur në Ukrainë, njofton Klankosova.tv

Krasniqi tha se kanë marrë sinjale mjaft pozitive nga euro-deputetët që liberalizimi i vizave për kosovarët të ndodhë në tetor.

“Disa euro-deputetë ishin edhe anëtarë të EPP-së pasi kanë votuar një rezolutë për procesin e liberalizimit të vizave. Me gjithë ata euro-deputetë që jemi takuar kanë dhënë përkrahje të pa rezervë për këtë proces”, ka shtuar ajo.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë