Loading…

Deputetja e AAK’së: E ulët sjellja e ministrit Murati kundrejt Vlora Dumoshit, ai të kërkojë falje

  • 19/05/2022 | 19:58

Deputetja e AAK’së: E ulët sjellja e ministrit Murati kundrejt Vlora Dumoshit, ai të kërkojë falje

Deputetja e AAK’së, Albana Bytyqi e ka quajtur “të ulët dhe të pa tolerueshme”, siç tha, sjelljen e Ministrit të Financave, Punës dhe Transfereve Hekuran Murati ndaj deputetes Vlora Dumoshi.


Në seancën e sotme të Kuvendit të Kosovës, Murati “qortoi” deputeten e LDK’së.

“Prej që ka fillu ky mandat, jam më se i sigurt që tash e gati një vit e gjysmë i vetmi kontribut i juaji është ndërhyrja në fjalën e tjetër kujt. Pak respekt ju lutem!”, i tha asaj Murati.

Bytyqi i ka kërkuar atij që të kërkojë falje derisa tha se distancohet nga Grupi i Grave Deputete derisa gjithashtu falje të kërkojë kryesuesja e këtij grupi, deputetja e VV’së, Tinka Kurti.

“E patolerueshme dhe tejet e ulët sjellja e sotme e ministrit të Financave, Punës dhe Transfereve, z. Hekuran Murati kundrejt deputetes së LDK-së, znj.Vlora Dumoshi. Kjo arrogancë, nuk ka vend në Parlament dhe është zhgënjyese që një ministër zgjedh sulmin para argumenteve. Distancohem nga Grupi i Grave Deputete derisa të reagojë kryesuesja e këtij Grupi, Tinka Kurti dhe Z. Murati, të kërkoj falje për gjuhën e përdorur!”, shkroi Bytyqi në llogarinë e saj në Facebook.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë