Loading…

Deputeti i VV’së paralajmëron përjashtimin e deputetëve që votuan kundër Kodit Civil

  • 26/09/2022 | 22:17

Deputeti i VV’së paralajmëron përjashtimin e deputetëve që votuan kundër Kodit Civil

Deputeti i Vetëvendosjes, Visar Korenica ka thënë se pas zgjedhjeve të strukturave të kësaj partie, do të mbahen edhe zgjedhjet për Kryesinë e kësaj partie.


Korenica në Politiko tha se në zgjedhjet e Kryesisë ka mundësi të përjashtohen deputetët që votuan kundër Kodit Civil.

“Do të ketë edhe zgjedhje të kryesisë së VV-së. Mundet të merret vendim që në Kryesi të Vetëvendosjes, deputetët që kanë votuar kundër Kodit Civil të mos jenë më pjesë e listës. Ndoshta nuk bëhet në këtë mënyrë, por vendos Kryesia. Versioni i Kodit Civil që ka shkuar në Qeveri, nuk është i njëjtë sikur ai që është në Kuvend”, tha Korenica në Politiko.

Korenica ka thënë se ka tendencë të kontrollit në Lëvizjen Vetëvendosje duke shtuar se ka nevojë për zëra kritik brenda LVV-së në mënyrë që ajo të avancohet

“Unë kështu them, ka tendencë të kontrollit. A ka të drejtë me kundërshtu, ka . Unë e kam përdorë të drejtën time me kundërshtu…Kur them tendencë e kontrollit, them për mos me rrëshqite gjërat në procesin negativ për organizatën, por kjo nuk ish dashtë me qenë pengesë për dikë me propozu diçka ndryshe brenda organizatës. Në rrethana tjera, po shihet që ka nevojë më shumë që të ketë zëra kritik brenda organizatës në mënyrë që të avancohet”, ka thënë ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë