Deputetë të të gjitha partive opozitare në Kosovë mblidhen në një hotel në Shqipëri, mësohen arsyet

Deputetët e opozitës në Kuvendin e Kosovës janë bërë bashkë në Golem të Shqipërisë këtë fundjavë.

Reporteri ka siguruar fotografi nga atje, teksa shihet lideri i Aleancës për Ardhmërinë e Kosovës (AAK), Ramush Haradinaj.

E nga partia më e madhe opozitare, PDK’ja, mori pjesë ushtruesi i detyrës së kryetarit, Enver Hoxhaj dhe ish-ambasadorja në SHBA, Vlora Çitaku.

Ndërsa nga LDK’ja të pranishëm ishin deputeti Agim Veliu, Besian Mustafa dhe kryetari i Gjilanit, Lutfi Haziri.

Mësohet se arsyeja e mbledhjes së figurave të njohura të politikës kosovarë ishte inaugurimi i një hoteli luksoz.

Pjesëmarrës në këtë ceremoni është edhe kryetari i Aleancës Kosovare të Bizneseve (AKB), Agim Shahini.

PDK, LDK dhe AAK mbeten partitë opozitare në Kuvend, derisa Nisma dhe PSD mbesin parti opozitare jashtë Kuvendit.