Loading…

Deliu-Kodra: Ngjarje të rënda po ndodhin, është krijuar pasiguri e frikshme

  • 30/11/2023 | 11:35

Deliu-Kodra: Ngjarje të rënda po ndodhin, është krijuar pasiguri e frikshme

Deputetja e PDK-së, Blerta Deliu-Kodra tha në Kuvendin e Kosovës se ngjarjet e fundit në vend janë të rënda dhe se ato e kanë bërë të frikshme pasigurinë.


Ajo zgjodhi të flasë për këtë, përpara se të niste debatin parlamentar në lidhje me raportin e Komisionit Evropian për Kosovën.

“Para se të fillojë diskutimin tim për raportin e Komisionit Europian për Kosovën, natyrisht që është e pashmangshme që të flas për ngjarjet e fundit në vend, të cilat na kanë tronditur të gjithëve. Vrasjet, vetëvrasjet, grabitjet e armatosura, qarkullimi i madh i armëve në Kosovë, dhuna dhe pasiguria e frikshme që është krijuar këtu, është vërtetë e rëndë”.

“Jo më larg se mbrëmë të gjithin ishin dëshmitarë të një tjetër vrasjeje të një gruaje. 33-vjeçarja Liridona Murseli mbeti e vrarë pasi që ajo bashkë me familjen ishin cak i një grabitjeje të armatosur. Vetëm pak orë pas këtij rasti tragjik, një burrë ka humbur jetën pas plagëve të marra nga therrja me thikë po në kryeqytetin e Kosovës në Prishtinë”.

Deputetja iu shprehu ngushëllime familjarëve, ndërsa kërkoi që “institucionet e drejtësisë dhe institucionet përgjegjëse që të marrin menjëherë masa”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë