Loading…

Deklarohet i pafajshëm se i dha me fajde 111 mijë, në këmbim të 160 mijë eurove

  • 22/10/2021 | 11:59

Deklarohet i pafajshëm se i dha me fajde 111 mijë, në këmbim të 160 mijë eurove

I akuzuari Baki Bakiu, është deklaruar i pafajshëm se më 2018 ia ka dhënë viktimës Ejup Ibrahimi, 40 mijë euro me kamatë prej 30%, për t’i pranuar 52 mijë euro, si dhe 71 mijë euro me kamatë 40%, për t’i pranuar 108 mijë euro, duke e sjellë viktimën në gjendje të mjerueshme financiare.

Këtë deklarim, i akuzuari Bakiu e bëri të premten në Gjykatën Themelore në Gjilan, pas leximit të aktakuzës nga prokurori Shaban Spahiu, raporton “Betimi për Drejtësi”.

Kryetari i trupit gjykues, gjyqtari Sabedin Mushica ka njoftuar të pandehurin si dhe mbrojtësin e tij, avokatin Burim Islami në të drejtën e paraqitjes së kërkesës për hudhjen e aktakuzës dhe kundërshtimin e provave në afat të caktuar ligjor.

Në seancë i pranishëm ka qenë edhe i dëmtuari Ejup Ibrahimi.

Sipas prokurorisë, i pandehuri Baki Bakiu, me dashje ka pranuar dhe ka kontraktuar shuma joproporcionale të pasurisë, duke shfrytëzuar gjendjen e vështirë materiale të viktimës Ejup Ibrahimi, ku dyshohet se në vitin 2018 ia ka dhënë viktimës mjetet financiare prej 40 mijë euro me kamatë prej 30% për t’i pranuar 52 mijë euro.

Po ashtu, edhe herën e dytë në fund të vitit 2018, ia ka dhënë shumën 71 mijë euro me kamatë 40%, për t’i pranuar 108 mijë euro, duke e sjellë viktimën në gjendje të mjerueshme financiare.

Me këtë, ngarkohet se ka kryer veprën penale “Fajdeja” nga neni 331, të Kodit Penal të Kosovës. /BetimipërDrejtësi

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë