Loading…

Deklaratat e Ramës e Thaçit janë ‘shantazh’ për BE’në

  • 26/04/2017 | 22:05

Deklaratat e Ramës e Thaçit janë ‘shantazh’ për BE’në

Ministri i Jashtëm i Sllovakisë, vendi i të cilit drejton Presidencën e radhës së Bashkimit Evropian, Miroslav Lajçak, thekson se retorika e ashpër nga e kaluara që po përdoret aktualisht në Ballkanin Perëndimor, nuk i zgjidh problemet, por i shtyn ato.


Ai shkruan për gazetën serbe “Danas” se megjithëse BE-ja ka një vizion të qartë të rrugës për Ballkanin Perëndimor, ekziston ende “nacionalizmi i rrënjosur thellë” si dhe “thirrjet për shtete etnikisht të pastra dhe bashkimin e kombit në një flamur të përbashkët me shqiponjën dy krenare mund të shihet si apel ndaj BE-së që të pranojë me më vendosmëri rolin e arbitrit”.

Ai shpjegon se “BE-ja dëshiron të besojë në përpjekjet e qeverive të rajonit për të pëmbushur kushtet që janë të nevojshme për pranimin në Union, por tani ekziston një situatë, e cila mund të kuptohet ndryshe si shantazh”.

Sipas tij, retorika e fundit e Hashim Thaçit, president i Kosovës dhe i Edi Ramës, kryeministër i Shqipërisë, “megjithëse alarmuese, është rezultat i bindjes së krijuar në Ballkanin Perëndimor për rolin tonë të pazëvendësueshëm në zgjidhjen e problemeve dhe më pas, me lënien e rajonit për t’ia dalë vetë”, përcjell oranews.

Ai tha se zgjidhja e këtij problemi nuk është pranimi i Ballkanit Perëndimor në BE, por në “një punë më aktive me këto shtete” që do të çonte në krijimin e një trupe të specializuar të BE-së që mund të merrej me Ballkanin Perëndimor, të ngjashme me misionin MMF.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë