Loading…

Deklarata e Kurtit para tri vitesh: Me VV’në në pushtet hiqen xhipat e shtrenjtë e lirohet nafta për bujqit

  • 04/02/2022 | 09:26

Deklarata e Kurtit para tri vitesh: Me VV’në në pushtet hiqen xhipat e shtrenjtë e lirohet nafta për bujqit

Kryeministri i Kosovës, Albin Kurti, gjatë kohës që ishte në opozitë e kishte gojën plotë me kritika për shpenzimet zyrtare, përfshirë drekat e darkat zyrtare, shpenzimet e karburanteve dhe të tjera. Ai para tri vite kishte shkruar një postim në Facebook, ku thoshte se nafta në Kosovë nuk ka qenë asnjëherë më shtrenjtë, mirëpo që për xhipat zyrtar është e lirë. Kurti sot është në pushtet bashkë me partinë e tij dhe tash nafta është edhe më shtrenjtë, derisa veturave e xhipave nuk u zbresin fare, shkruan Gazeta Metro. 


Albin Kurti para tri vite thoshte se siç e kanë naftën lirë xhipat e Qeverisë, ashtu duhet ta kenë traktorët e bujqve të cilët s’po kanë llogari që ta punojnë tokën e tyre.

Kurti aso kohe madje premtonte se kur të vijë VV në Qeveri, do të lirohet nafta për bujqët dhe do të hiqen xhipat e shtrenjtë.

“Sot po shtohen xhipat qeveritarë, që e kanë naftën e lirë ashtu siç duhet ta kishin traktorët e bujqve të cilët s’po kanë llogari të punojnë tokën. Me qeverisjen e Lëvizjes VETËVENDOSJE! nesër, lirohet nafta për traktorët e bujqve që do ta punojnë tokën dhe hiqen xhipat e shtrenjtë, sepse popullit i duhet dhënë llogari”, shkruante ai.

Por vet deputetët e Kurtit janë ata që ditët e fundit janë shumë të përfolur për shpenzime të karburantit.

Disa nga ta madje as s’kanë të deklaruar veturë, mirëpo shpenzimet e tyre për vetëm dy muaj, shkojnë mbi 500 euro.

Madje deputetja e VV-së, Yllza Hoti, figuron se jeton në Prishtinë, s’ka të deklaruar veturë e madje ka shpenzuar 810 euro naftë për vetëm dy muaj. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë