Daut Haradinaj: VV-ja është dashur të vendos flamurin e Kosovës në fushatë, e jo të Turqisë

Politikani Daut Haradinaj, nga Aleanca për Ardhmërinë e Kosovës, ka komentuar vendosjen e flamurit të Turqisë nga Lëvizja Vetëvendosje, në një nga fushtatat e tyre zgjedhore, shkruan Gazeta Metro.

Në debatin e zhvilluar mbrëmë në ‘Zona Zgjedhore’, Haradinaj ka thënë se me qëllim ose jo, VV-ja duhej që të vendoste flamurin e Kosovës e jo atë të Turqisë.

“Nuk e di a ka qenë e qëllimishme vendosja në fushatë e flamurit të Turqisë a po rastësisht, por ma mirë kishte me qenë sikur VV-ja në fushatë të vendoste flamurin e Kosovës”, është shprehur ai.

Kujtojmë se zgjedhjet e parakohshme për Kuvendin e Kosovës do të mbahen më datën 6 tetor. /gazetametro.net