Loading…

Dalin pamjet nga dita e fundit e rezistencës në Azovstal: Shkatërrim total

  • 21/05/2022 | 16:47

Dalin pamjet nga dita e fundit e rezistencës në Azovstal: Shkatërrim total

Fabrika e çelikut në Azovstal të Mariupol ra më në fund këto ditët e fundit, pas rezistencës disajavore që kishin bërë ushtarët ukrainas aty. Pas përfundimit të rezistencës, një mbrojtës i Azovtsal i quajtur Kozatsky ndau me publikun pamje nga fabrika në ditën e fundit të luftimeve aty, shkruan Gazeta Metro.


Ministria e Jashtme e Ukrainës ndau nje video 4 minutëshe në Twitter duke treguar tmerrin që kanë përjetuar ushtarët e ngujuar në Azovstal.

Rusët raportuan dje se grupi i fundit i luftëtarëve në Azovstal, që sipas tyre përbëhet nga 531 njerëz, është dorëzuar më në fund dhe ukrainasit janë kapur nga ushtria ruse.

“Territori i uzinës metalurgjike Azovstal në Mariupol, ku një grup militantësh ukrainas të formacionit nazist Azov është bllokuar që nga 21 prilli i këtij viti, është çliruar plotësisht”, tha gjeneralmajor Igor Konashenkov.

Ministria tha se që nga 16 maji, 2.439 “neo-nazistë nga Azov dhe trupat ukrainase” të bllokuar në fabrikën e çelikut “ulën armët dhe u dorëzuan.”

“Grupi i fundit prej 531 militantësh u dorëzua sot”, thuhet më tej në raportimin e tyre.

Ukrainasit qëndruan heroikisht për javë të tëra jo vetëm në Azovstal por në të gjithë qytetin e Mariupolit, mirëpo trysnia e madhe e sulmeve ruse mbi këtë qytet e bëri të veten dhe në fund, për fat të keq të mbrojtësve ukrainas, Rusia e ka nën kontroll qytetin-port të Mariupol./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë