Loading…

CNN: Rusia planifikon ta incizojë një video për ta përdorur si pretekst që ta pushtoj Ukrainën

  • 13/02/2022 | 19:04

CNN: Rusia planifikon ta incizojë një video për ta përdorur si pretekst që ta pushtoj Ukrainën

Rusia po kërkon që ta sajojë një situatë dhune, pas së cilës do të sulmonte për ta pushtuar Ukrainën. CNN raporton se Shtetet e Bashkuara kanë informacione se Rusia po planifikon ta organizojë një sulm të rremë dhe ta incizojë një video të tmerrshme propagandistike, si pretekst për ta pushtuar Ukrainën.


Ky klip, siç raporton gazeta amerikane, do ta paraqiste një situatë kinse ushtria ukrainase — dhe si rrjedhojë, aleatët e tyre të NATO-s — po kryejnë sulm ndaj rusishtfolësve.

Por ndërsa qeveria amerikane e deklasifikoi informacionin rreth komplotit të supozuar javën e kaluar, ajo nuk ndau asnjë nga provat e saj themelore me publikun. Në një shkëmbim të nxehtë në dhomën e konferencës javën e kaluar, gazetarët kërkuan prova për ta mbështetur pretendimin. Zëdhënësi i Departamentit të Shtetit Ned Price u përgjigj se qeveria është e sigurt për informacionin, por nuk do të thoshte nëse SHBA-ja e kishte parë ndonjë video të tillë.

“Ne po përpiqemi t’i pengojmë rusët që të ecin përpara me këtë lloj aktiviteti. Kjo është arsyeja pse ne po e bëjmë atë publike”, tha Price, përpara se të shtonte se nuk duhet të ketë dyshim në kredibilitetin e qeverisë amerikane dhe se askush nuk duhet të gjejë ngushëllim në informacionet që i nxjerr Rusia.

Pretendimi i SHBA-së erdhi disa ditë pasi qeveria britanike paralajmëroi për një komplot rus për ta instaluar një udhëheqës pro-Kremlinit në Ukrainë, duke cituar shërbimet inteligjente.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë