Çitaku i kërkon Lajcakut ta kryej punën e tij: Ia kujton kohën kur votonte kundër Kosovës në UNESCO

Nënkryetarja e Partisë Demokratike të Kosovës (PDK), Vlora Çitaku i është drejtuar me një mesazh të fuqishëm emisarit të Bashkimit Europian (BE) për dialogun Kosovë-Serbi, Miroslav Lajcak, shkruan Gazeta Metro.

Çitaku i ka kërkuar Lajçakut që ta çojë deri në fund misionin e tij, duke iu drejtuar me shprehjen “walk the walk”.

Ajo tutje ia ka kujtuar Lajçakut kohën kur si ministër i Jashtëm i Sllovakisë votonte kundër Kosovës për anëtarësim në organizatat ndërkombëtare.

“Kryeni punën tuaj(ecni ecjen). Më kujtohet kur si ministër i Jashtëm i Sllovakisë votuat kundër anëtarësimit të Kosovës në UNESCO…etj. Ne ju kemi dhënë përfitimet e dyshimeve, por siç thotë fjala e urtë: është lirë të flasësh”, ka shkruar Çitaku.

Kjo e fundit, këto komente i ka bërë duke iu referuar një deklarate të Lajçakut që thotë se në dialog prioritet do të jetë integrimi i plotë ndërkombëtar i Kosovës.

Më poshtë postimi i plotë i saj. /gazetametro.net

Walk the walk, Mr. @MiroslavLajcak.

I remember when, as Foreign Minister of Slovakia, you voted against #Kosovo’s membership in #UNESCO…. etc.

We’ve given you the benefit of the doubt but… as the saying goes,
talk is cheap! https://t.co/0PJ4XUbPae

— Vlora Çitaku (@vloracitaku) August 31, 2021