Chollet e telefonon Kurtin: Flasin për marrëveshjen e Ohërit

Kryeministri i Kosovës, Albin Kurti, ka njoftuar se ka pasur një bisedë me këshilltarin e Departamentit të Shtetit, Derek Chollet, shkruan Gazeta Metro.

Përmes kësaj bisede, Kurti ka thënë se marrëveshja bazë dhe aneksi, sipas tekstit dhe frymës, tani duhet të ndryshojë realitetin në terren.

Tutje Kurti ka thënë se Chollet e ka uruar për marrëveshjen e arritur në Ohër.

“Kisha një telefonatë me këshilltarin e Departamentit të Shtetit, Chollet, i cili më uroi për marrëveshjen e arritur në Ohër, duke i pranuar bisedimet e gjata dhe të vështira. E falënderova për mbështetjen dhe rolin e SHBA-së. Marrëveshja Themelore dhe Shtojca, siç thuhet në tekst dhe frymë, tani duhet të ndryshojnë realitetin në terren dhe kushtet”, ka shkruar kryeministri në Twitter./gazetametro.net

Had a call w/ @CounselorDOS Chollet who congratulated me on the Agrmt reached in Ohër/Ohrid, acknowledging the long & difficult talks. I thanked him for the US support & role. The Basic Agrmt & the Annex, as stated in text & spirit, must now change the ground reality & terms.

— Albin Kurti (@albinkurti) March 23, 2023