Çfarë të bëhet me filloristët problematikë

Meqë arsimi i ulët cilësohet i obligueshëm, nxënësit filloristë, me gjithë problemet që mund të bëjnë në shkollë, ndëshkohen fare pak.

Përballë rasteve të shumta me nxënës problematik, drejtuesit e shkollave i kanë duart e lidhura. Nuk mund të marrin masa konkrete pasi, sipas tyre, nuk ka udhëzim administrativ që ndëshkon nxënësit filloristë për probleme të caktuara.

Përfaqësues të shkollave vazhdimisht kanë kërkuar që për nxënësit të krijohen rregullore me të cilat do të mund të ndëshkoheshin deri me përjashtim nga shkolla, pasi liria e madhe i ka bërë tejet të padisiplinuar. Ministria e Arsimit nuk i ka kthyer përgjigje KTV-së për pyetjen se a ka ndonjë udhëzim administrativ për kodin e mirësjelljes për shkollat fillore dhe të mesme.