Loading…

Çfarë mund të ndodhë nëse shfaqet një variant më i fortë se Omicron?

  • 04/02/2022 | 19:23

Çfarë mund të ndodhë nëse shfaqet një variant më i fortë se Omicron?

Drejtori i rajonit evropian të Organizatës Botërore të Shëndetësisë thotë se ndërsa rastet e COVID-19 në kontinent vazhdojnë të rriten, ai sheh një fund të besueshëm për pandeminë në Evropë në muajt e ardhshëm.


Duke folur gjatë konferencës së tij javore të lajmeve virtuale nga selia e tij në Kopenhagë,  Hans Kluge u tha gazetarëve se rajoni regjistroi 12 milionë raste në javën e kaluar, incidenca më e lartë javore e rasteve që nga fillimi i pandemisë, kryesisht i nxitur nga varianti omicron.

Por Kluge tha, ndërsa shtrimet në spital vazhdojnë të rriten – kryesisht në vendet me shkallë më të ulët të vaksinimit – ato nuk janë rritur aq shpejt sa shkalla e infeksionit të ri. Ndërkohë, vdekjet nga COVID-19 kanë mbetur të qëndrueshme.

Kluge tha se pandemia është larg përfundimit, por, për herë të parë, ai e sheh atë që ai e quajti një mundësi për të marrë kontrollin e transmetimit të sëmundjes për shkak të pranisë së tre faktorëve: një furnizim të bollshëm me vaksina plus imunitet që rrjedh nga një numër i madh të njerëzve që kanë pasur COVID-19; ndryshimi i favorshëm i stinëve me largimin e rajonit nga dimri; dhe ashpërsia më e ulët e vendosur tashmë e variantit omikron.

Drejtori rajonal i OBSH’së tha se këta faktorë paraqesin mundësinë e “një periudhe të gjatë qetësie” dhe një nivel shumë më të lartë të mbrojtjes së popullsisë kundër çdo varianti të ri, madje më virulent se Omicron.

Megjithatë Kluge theksoi se fushatat e vaksinimit duhet të vazhdojnë, përfshirë edhe dozat përforcuese dhe duhet të mbrohen ata që rrezikojnë më shumë.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë