Loading…

Çfarë mendon Isa Mustafa për Donald Trumpin

  • 20/01/2017 | 19:09

Çfarë mendon Isa Mustafa për Donald Trumpin

Edhe kryeministri i Kosovës Isa Mustafa ka thënë disa fjalë për presidentin e ri të Amerikës Donald Trump, i cili u inaugurua disa minuta më herët.

Përmes një publikimi në rrjetin social Facebook, Mustafa, në emër të Qeverisë së Republikës së Kosovës e përgëzon Presidentin e posa inauguruar, duke i uruar gjithë të mirat dhe suksese.

Mustafa shkruan edhe për rolin e secilit president amerikan ndaj Kosovës dhe qytetarëve të saj gjatë tri dekadave.

“Presidenti George H. W. Bush, në vitet ’90, i vuri Vijën e Kuqe regjimit kriminal të Millosheviqit për Kosovën. Gjatë presidencës së Presidentit Bill Clinton, Kosova u çlirua. Presidenti George W. Bush dha kontribut esencial për pavarësimin e Kosovës. Administrata e Presidentit Obama, nën kujdesin e veçantë të zëvendëspresidentit Biden, e kishte në vëmendje të politikës së jashtme Kosovën”, shkruan Mustafa.

E shprehet plotësisht i bindur se edhe Presidenti Trump me lidershipin e tij, do përkrahë Kosovën në anëtarësimin në Kombet e Bashkuara dhe rrumbullakimin e të gjitha elementeve të shtetësisë.

“Qeveria dhe populli i Kosovës janë jetësisht të përkushtuar për partneritet strategjik me Shtetet e Bashkuara të Amerikës, duke e bartur me krenari epitetin e “popullit më proamerikan në glob”. Congratulations Mr. President Donald J. Trump!”, shkruan Mustafa në Facebook.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë