Loading…

Certifikohen 131 studentë nga Ministria e Financave

  • 02/12/2016 | 17:18

Certifikohen 131 studentë nga Ministria e Financave

Në Ministrinë e Financave është mbajtur ceremonia e ndarjes së Certifikatave të studentëve të Grupit të Dytë nga Universiteti i Prishtinës “ Hasan Prishtina”, Kolegji AAB, Kolegji “ Dardania”, Kolegji “Pjeter Budi” dhe Kolegji “Universum”, të cilët kanë përfunduar punën praktike tremujore këtë ministri.

Certifikatat u ndanë për 131 studentët e grupit të dytë, të cilët që nga muaji shtator deri në muajin nëntor kanë qenë të angazhuar në punë praktike në Ministrinë e Financave dhe agjencionet vartëse të saj në Administratën Tatimore, Doganën e Kosovës, si dhe Agjencinë Qendrore të Prokurimit.

Në këtë grup të cilët sot përfunduan me sukses punën praktike 107 studentë janë nga Universiteti i Prishtinës “Hasan Prishtina” ndërsa 24 studentë të tjerë janë nga Kolegjet private.

Në këtë ceremoni përveç studentëve pjesëmarrës ishin edhe zëvendësministri i Financave Agim Krasniqi, rektori i Universitetit të Prishtinës “Hasan Prishtina”, Marjan Dema, dekani i Fakultetit Ekonomik, But Deda, si dhe Dekanët e Kolegjeve private.

Ndër të tjera është bërë e ditur që grupi i tretë i studentëve do të fillojnë punën praktike në Ministrinë e Financave dhe agjencionet vartëse të saj, në muajin shkurt 2017 në periudhën tremujore.

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë