Loading…
Cakaj takohet me Mogherinin, flasin për rrugën e Shqipërisë drejt BE’së
  • 21/02/2019 | 19:16

Cakaj takohet me Mogherinin, flasin për rrugën e Shqipërisë drejt BE’së

Ministri i Jashtëm i Shqipërisë, Gent Cakaj, gjatë ditës së sotme është takuar me përfaqësuesen e lartë të BE-së, Federica Mogherini, transmeton Gazeta Metro.


Ministri Cakaj ka vlerësuar kontributin e Mogherinit për përparimin e Shqipërisë, drejtë anëtarësimit në Bashkimin Evropian.

Përmes një postimi në rrjetin social Facebook, Cakaj rikonfirmoi vendosmërinë e qeverisë shqiptare për të vijuar me ritmin e reformave në mënyrë që të konsolidohen më tej rezultatet e qëndrueshme në agjendën evropiane që do të mundësojnë hapjen e bisedimeve të anëtarësimit me BE.

Ai vlerësoi se vendimi për fillimin e negociatave do të japë një impuls të ri jo vetëm për vendin tonë por do të inkurajojë edhe një dinamikë më pozitive në rajon.

Kujtojmë se Cakaj, gjatë ditës së djeshme është takuar edhe me komisionarin Johannes Hahn, me të cilin ka biseduar për fazën tjetër të anëtarësimit të Shqipërisë në BE./gazetametro.net

 

 

Më të fundit
...
  • 23/05/2019 | 22:54
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë