Loading…

Buzhala për festën e organizuar në Ambasadën e SHBA’së: Mefi dëshironte të dukej më i gjatë sesa është

  • 04/07/2022 | 21:03

Buzhala për festën e organizuar në Ambasadën e SHBA’së: Mefi dëshironte të dukej më i gjatë sesa është

Gazetari Berat Buzhala ka ndarë me publikun përvojën e tij në festën e organizuar nga Ambasada e Amerikës në Prishtinë për nder të 4 korrikut, festës së pavarësisë, shkruan Gazeta Metro.


Buzhala ka shkruar gjatë për festën e organizuar javën e kaluar, festa e parë që nga viti 2019 për shkak të pandemisë, teksa tregon disa momente që ai i quan si komedi.

Ai thotë se krahu i PDK’së në këtë organizim dukej më i palumtur në krahasim me kohën kur ishin në pushtet dhe flisnin me shumë lehtësi me ambasadorin amerikan, sipas Buzhalës.

Ndërsa, tani, rolin e PDK’së së dikurshme e kishte marrë VV’ja, thotë Buzhala duke përmendur Mefail Bajqinovcin, Hekuran Muratin, Liburn Aliun dhe Dimal Bashën.

“Prezenca e Mefailit, Hekuranit, Liburnit, Dimalit dhe serviliteti i tyre përballë çdokujt që fliste anglisht për mua ishte një film që e kisha parë, sado që dukej sureale”, shkruan Buzhala në opinionin e tij për Gazetën Nacionale.

Për Mefail Bajqinovcin, gazetari shprehet më detajisht: “Pamja e Mefailit në këtë ngjarje është e papërshkrueshme. Nuk e kam talentin e duhur për ta shndërruar në shkronja atë që e kam në kokë. Vetëm mund të them që Mefi e kishte një dëshirë që të dukej edhe më i gjatë sesa është, në mënyrë që të shihej prej çdo cepi të oborrit të Ambasadës që lartmadhëria e tij ishte prezent aty.”

Gazetari Buzhala e vendos theksin disa herë mbi ngjashmëritë e PDK’së së kohës së Thaçit dhe VV’së së sotme, duke e quajtur si një film të parë më herët./gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë