Burnham: Ka prova të qarta se Irani ishte i përfshirë në incidentin pranë bazës ajrore Fairford

Kryeministri britanik Andy Burnham tha sot se ka prova se Irani ishte i përfshirë në incidentin pranë një baze ajrore në Anglinë jugperëndimore.

“Ka prova të qarta se Irani luajti një rol në ngjarjet që u zhvilluan në fundjavë në Bazën Ajrore Fairford“, tha kryeministri britanik në një intervistë me BBC.

Komentet e Burnham vijnë pasi Sekretari i Shtetit i SHBA-së, Marco Rubio, tha se incidenti në bazën ajrore “përfshin qartë duart e një aktori të huaj”.

Në fundjavë, policia britanike arrestoi pesë të rinj pranë bazës, pasi një banor informoi autoritetet për praninë e “tre automjeteve të dyshimta” në zonë.

Të dyshuarit, të cilët fillimisht u akuzuan për “shkelje të Aktit të Eksplozivëve” dhe “përgatitje të një akti terrorist”, u liruan me kusht të hënën, dhe policia njoftoi të nesërmen se nuk u gjetën pajisje shpërthyese në furgonët që po përdornin, vetëm sasi të mëdha karburanti.

Baza ajrore e Fairford i përket Forcave Ajrore Mbretërore të Britanisë, por përdoret edhe nga ushtria amerikane. Qeveria britanike ka autorizuar Shtetet e Bashkuara ta përdorin bazën për sulme ndaj pozicioneve iraniane të raketave që po godasin anijet në Ngushticën e Hormuzit.

UK PM Burnham says “there are strong indications that Iran played a part” in what happened at RAF Fairford.

RAF Fairford has long served as a key United States Air Force site and has been used for operations against the Islamic republic during the current conflict. United States… pic.twitter.com/I3O58LL8Yc

— Emily Schrader – אמילי שריידר امیلی شریدر (@emilykschrader) September 30, 2026