Brenda 10 minutash 300 rrufe mbi Tiranë

Shërbimi Meteorologjik Ushtarak i Shqipërisë (SHMU) ka njoftuar se në mbrëmjen e djeshme, vetëm për 10 minuta janë regjistruar rreth 290 rrufe, kryesisht në zonën e Tiranës, shkruan Gazeta Metro.

Përveç Tiranës, nga rrufetë është goditur edhe qyteti i Lezhës, në të cilin kishte edhe intensitetin më të madh të reshjeve.

“Reshjet e shiut në formën e shtrëngatave e stuhive po ushtrojnë aktivitetin e tyre në qytetet Tiranë, Lezhë, Elbasan. Sasia më e madhe e reshjeve është regjistruar në qytetin Lezhës me 53.0 mm, Shkodrës me 26.0 mm, Tiranës 20.0 mm. Kjo situatë është shoqëruar edhe me erë të vrullshme deri në 15-18 m/sek.”, ka thënë SHMU.

Gjatë orëve në vijim, reshjet e mëdha të shiut të shoqëruara me stuhi, ishin të përqendruara në Shkodër, Lezhë, Durrës dhe Tiranë.

Sipas SHMU përmirësimi i situatës pritet të vijë gradualisht në pasditen e sotme.

Për shkak të stuhive janë regjistruar përmbytje në disa zona të Shqipërisë, kryesisht në Fushë Krujë, Laç, dhe në Tiranë. /gazetametro.net