Brad Pitt rrëfen periudhën e errët pas ndarjes nga Angelina Jolie: Kam menduar për vetëvrasje

Brad Pitt ka folur për një nga periudhat më të vështira të jetës së tij, duke treguar se pas ndarjes nga Angelina Jolie kishte kaluar një krizë të rëndë emocionale.

Në një intervistë për revistën “Esquire”, aktori 62-vjeçar ka rrëfyer se në atë kohë kishte përjetuar një dhimbje të thellë dhe, për herë të vetme në jetën e tij, kishte menduar t’i jepte fund jetës.

“Kam menduar për vetëvrasje vetëm një herë në jetën time. Në atë periudhë thjesht nuk shihja rrugëdalje. Dhimbja ishte aq e madhe, sa mendimi për t’i dhënë fund gjithçkaje më dukej si një çlirim”, ka rrëfyer Pitt.

Aktori ka shpjeguar se ajo përvojë e bëri të kuptonte se në momente të tilla njeriu mund të kërkojë jo domosdoshmërisht fundin e jetës, por një mënyrë për t’i shpëtuar vuajtjes.

“Kjo gjë nuk është e lehtë. Dhe po flisni me një njeri që e ka fituar lotarinë”, ka thënë ai, duke reflektuar mbi jetën dhe privilegjet që ka pasur.