Boris Johnson viziton Kosovën

Ish-kryetari i Londrës, tash sekretar i Britanisë së Madhe për Punë të Jashtme, Boris Johnson pritet ta vizitojë Kosovën gjatë kësaj jave.

Së paku kështu ka paralajmëruar përmes një postimi në rrjetin social Facebook këshilltari dhe shefi i kabinetit të kryeministrit të Kosovës, Sokol Havolli.

Havolli gjatë qëndrimit të tij në kryeqytetin britanik është fotografuar me ish-liderin e partisë konservative angleze dhe ka paralajmëruar ardhjen e Johnsonit në Kosovë këtë javë.

“Boris Johnson do të jetë në Prishtinë këtë javë”, ka shkruar Havolli në Facebook. Megjithatë ende nuk është bërë e ditur çfarë karakteri do të ketë ardhja e politikanit anglez në Kosovë./gazetametro.net