Bob Dylan flet per Nobelin

Më në fund, Bob Dylan thyen heshtjen prej një muaji dhe thotë se e pranon çmimin Nobel për Letërsi. “Vlerësimi më la pa fjalë”, arsyetohet kengëtari legjendar nga Amerika i cili u vlerësua për shprehjen e veçantë poetike të këngës.

Edhe pse fondacioni nuk e ka të qartë nëse këngëtari do të marrë pjesë në ceremoninë e ndarjes së çmimeve në muajin dhjetor, besohet se Dylan e ka ndërmend ta pranoj çmimin personalisht, transmeton gazetametro.net.

“Është e vështirë për t’u besuar. Kush e ka ëndërruar për diçka të tillë”, ka thënë Dylan, i habitur me vlerësimin.

Legjendës së muzikës ju njoh merita për krijimin e shprehjeve të reja poetike në traditën e madhe të këngës amerikane në 13 tetor. Gjithsesi, mungesa e një reagimi nga ana e artistit legjendar nga Amerika që shkaktoi habi dhe huti, aq sa një pjesëtar i akademisë suedeze që jep çmimet Nobel e konsideroi heshtjen e Dylan, si të pasjellshme dhe arrogante.

Fondacioni i Nobelit ka njoftuar se Dylan kishte telefonuar Sara Danius, sekretare e përhershme në akademinë suedeze, për t’i thënë asaj se kishte mbetur pa fjalë dhe se e vlerësonte shumë nderimin me çmimin Nobel. /gazetametro.net