‘Bixhoz elektroenergjetik’: Ymeri thotë se Kosova gjatë ditës po importon mbi 300 megavat energji elektrike në orë

Deputetja e zgjedhur e Lidhjes Demokratike të Kosovës, Janina Ymeri ka komentuar situatën me gjendjen e prodhimit të energjisë elektrike në Kosovë, duke bërë të ditur se disa blloqe të termocentraleve janë jashtë funksionit, transmeton Gazeta Metro.

Sipas saj, Blloku B1, Blloku A3 dhe Blloku A5 janë jashtë funksionit, ndërsa vetëm Blloku A4 dhe Blloku B2 janë në operim.

Ymeri thekson se, për shkak të kësaj situate, Kosova gjatë ditës po importon mbi 300 megavat energji elektrike në orë.

“Blloku B1=0, Blloku A3 =0, Blloku A5 = 0, Blloku A4 me Bllokun B2 funksiojnë dhe me kaq ne sot shkojmë deri mbi 300 MW në orë import. Çmimin total i importit nuk caktohet dot sepse siç dihet Kosova importon me kontrata 1-1 me kompani të caktuara. Bixhoz elektroenergjetik.”, shkroi ajo./gazetametro.net