Loading…

BIK: Nuk biem pre e asnjë presioni në lidhje me rikthimin e Shefqet Krasniqit si imam

  • 09/11/2018 | 13:35

BIK: Nuk biem pre e asnjë presioni në lidhje me rikthimin e Shefqet Krasniqit si imam

Sot ka filluar një peticion online për rikthimin e Shefqet Krasniqit si imam në Xhaminë e Madhe.


Imami Shefqet Krasniqi ishte shkarkuar nga detyra pas arrestimit në shtator të vitit 2014 me akuza; shtytje për terrorizëm, nxitje të urrejtjes dhe shmangie nga tatimi.

Gjykata Themelore Prishtinë kishte liruar nga të gjitha akuzat ish-imamin, Shefqet Krasniqi aktualisht profesor në Fakultetin e Studimeve Islame(FSI).

Ballkani.info ka kontaktuar me një zyrtar për media në Bashkësinë Islame të Kosovës (BIK) i cili tha se Krasniqi është i sistemuar si profesor në Fakultetin e Studimeve Islame(FSI).

“Imami Shefqet Krasniqi është i sistemuar si profesor në FSI, ne kemi vendosur për këtë”, tha zyrtari i BIK-ut.

Në pyetjen rreth nisjes së peticionit dhe mundësisë për presion nga anëtarët e komunitetit mysliman për rikthimin e Shefqet Krasniqit në detyrën e imamit në Xhaminë e Madhe; BIK tha se nuk bie në presion të asnjë grupi.

“Bashkësia Islame nuk bie në presion të asnjë grupi, nuk mendojmë të bëjmë ndryshime”, përfundoi zyrtari i BIK-ut.

Bashkësia Islame e Kosovës(BIK), tashmë së fundi ka mbajtur zgjedhjet e brendshme ku u votua për vazhdimin edhe të një mandati myftiut, Naim Ternava.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë