Loading…

Biden e mban në listën e terroristëve Gardën Islamike Revolucionare të Iranit, sanksione shtesë

  • 25/05/2022 | 17:47

Biden e mban në listën e terroristëve Gardën Islamike Revolucionare të Iranit, sanksione shtesë

Presidenti i SHBA’së, Joe Biden, ka vendosur të mbajë në listë Gardën Revolucionare Islamike të Iranit në listën e organizatave të huaja terroriste. Sot u njoftua se Departamenti i Thesarit të SHBA’së ka sanksionuar një rrjet kontrabande të derivateve që financonin si Gardën Revolucionare Islamike poashtu edhe organizatën terroriste Hezbollah, transmeton Gazeta Metro.


Portali amerikan Politico kishte raportuar të martën se administrata Biden ka vendosur që Garda Islamike Revolucionare e Iranit të mbetet në listën e terroristëve sipas një zyrtari amerikan.

Kryeministri i Izraelit, Naftali Bennet, ka deklaruar se kjo ishte konfirmuar atij nga vet Presidenti Amerikan Biden në muajin prill. Bennet e falënderoi Biden dhe e quajti “një mik i vërtetë i Izraelit”.

Çështja e mbajtjes apo largimit nga lista e organizatave terroriste të Gardës Islamike ishte përfolur si një kusht në negociatat me Iranin rreth programit të tyre bërthamor në Vjenë.

Departamenti i Thesarit të SHBA’së sot ka njoftuar se ka vendosur sanksione të reja ndaj një grupi të shtetasve dhe entiteteve iranianë, turq, rus, kinezë dhe libanezë që ishin të ndërlidhur me një rrjet kontrabande që kishte siguruar fonde për Gardën Revolucionare Islamike të Iranit dhe organizatës terroriste Hezbollah./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë