Loading…

Bëni kujdes sonte: Po afrohet një sistem vranësirash me reshje bore, do ta përfshijë edhe Kosovën

  • 22/01/2022 | 12:15

Bëni kujdes sonte: Po afrohet një sistem vranësirash me reshje bore, do ta përfshijë edhe Kosovën

Një sistem vranësirash me reshje bore është duke u afruar gradualisht nga territori i Serbisë dhe gjatë orëve të pasditës pritet të përfshijë edhe Republikës e Kosovës. Sistemi pritet të kushtëzojë reshje bore për disa orë dhe priten afërsisht nga 2 deri në 7 ose 8 cm. të reja bore, pra reshjet e borës pritet të jenë të intensitet mesatar dhe në ndonjë interval të shkurtër edhe të dendura.


Pasdite vonë dhe në mbrëmje reshje bore priten edhe në disa vise në Shqipëri dhe Maqedoninë e Veriut.

Është interesante mundësia e reshjeve lokale të borës sot pasdite vonë në perëndim dhe jug të Shqipërisë ku reshjet e borës janë dukuri mjaft e rrallë dhe fjollat e borës mund të paraqiten edhe në disa vise bregdetare.

Pra, pas një paraditeje me diell, pasdite sot pritet të ketë shtim të madh të vranësirave dhe reshje bore fillimisht në Kosovë, pastaj edhe në disa vise tjera të Shqipërisë dhe Maqedonisë së Veriut. Reshjet e borës pritet të zgjasin disa orë në Kosovë, por nuk priten shumë të mëdha, sidoqoftë apelohet për kujdes të madh në komunikacion.

Ditëve të ardhshme na presin ditë të akullta dhe mëngjese me acar mjaft të fortë polar. Zbutje të acarit polar mund të kemi afër fundit të javës së re.

MeteoBallkan ka apeluar për kujdes të shtuar në komunikacion sot pasdite dhe në mbrëmje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë