Behrami për çmimet e naftës: Në botë bien, në Kosovën e okupuar vetëm shtrenjtohen

Deputeti i zgjedhur i PDK-së, Artan Behrami, reagoi ndaj rritjes së çmimeve të derivateve në Kosovë, duke vënë në pah dallimin mes tregut vendor dhe zhvillimeve në bursat ndërkombëtare, transmeton Gazeta Metro.

Përmes një postimi në Facebook, ai ka publikuar një grafik, për të cilin thotë se tregon uljen e çmimit të naftës në tregjet botërore, ndërsa në Kosovë, sipas tij, çmimet vazhdojnë të rriten.

“Derisa në bursat ndërkombëtare çmimi i naftës është në rënie, në Kosovën e okupuar çmimet e derivateve vazhdojnë të rriten!”, shkroi ai.

Behrami ka shprehur pakënaqësi për këtë situatë, duke ngritur pikëpyetje për rritjen e vazhdueshme të çmimeve të karburanteve në vend, pavarësisht lëvizjeve në tregjet ndërkombëtare./gazetametro.net