Banorët e Lipjanit në rrezik nga bora e papastruar (Foto)

Bora e madhe në vend ka vështirësuar qarkullimin si në rrugë nacionale ashtu edhe në ato lokale.

Është raportuar për bllokim të shumë fshatrave në gjithë vendin, derisa janë shkaktuar edhe një numër i madh i aksidenteve në komunikacion.

Banorët e Komunës së Lipjanit janë duke u përballur me probleme tash e sa ditë. Një lexues i gazetës metro.net ka dërguar disa fotografi të gjendjes aktuale, të cilët tregojnë se askush s’po i pastron trotuaret të cilat janë të mbuluara tërësisht me borë dhe banorët e këtij vendi po ecin në mes të rrugës, duke rrezikuar kështu jetën e tyre.

“Ose do të zgjedh të eci në mes të rrugës dhe të rrezikoj jetën nga veturat ose do të zgjedhi të eci trotuareve me borë deri në gju e të rrezikoj të rrëzohem në çdo hap që e bëj. “Hyp se te vrava zhdryp se te vrava”,  shkruan lexuesi i gazetës metro.net./gazetametro.net