Loading…

Banka Botërore financon tri projekte për Kosovën

  • 06/12/2016 | 12:00

Banka Botërore financon tri projekte për Kosovën

Banka Botërore gjatë vitit 2017, në Kosovë do të financojë tri projekte që kanë të bëjnë me ujin.

Ministri i Ekonomisë dhe Financave, Avdullah Hoti gjatë takimit për konsultimet e Kornizës së Partneritetit të Vendit të Bankës Botërore ka deklaruar se Kosova që nga viti 2009 ka përfituar jashtëzakonisht shumë nga grantet dhe kreditë e buta që Banka Botërore i ka dhënë për shtetin  Kosovës.

Ai ka përmendur shëndetësinë, ekonominë, arsimin  dhe fushat tjera si përfituese të këtyre mjeteve.

“Si rezultat i mbështetjes të Bankës Botërore këta sektorë dhe ekonomia në përgjithësi ka pasur rritje të vazhdueshme”, ka thënë Hoti.

Ndërsa drejtoresha e Bankës botërore  për Evropën Juglindore dhe Azinë Qendrore Ellen Goldstein ka kërkuar që institucionet e Kosovës të përfitojnë sa më shumë përmes projekteve sepse jo gjithmonë kreditë e Bankës Botërore do të jenë të buta.

Ajo ka kërkuar që institucionet kosovare të shtojnë rendimentin vendor përmes prodhimeve vendore dhe të bëjnë sa më shumë eksport të tyre.

Pavarësisht se  ka thënë ajo  rritja ekonomike në Kosovë ishte relativisht  e mirë institucionet kosovare duhet të bëjnë më shumë për krijimin e një klime më të favorshme për të bërë biznes.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë