Loading…

Balla flet pas takimit me Thaçin dhe Veselin në Hagë: Të arrestuar mbi bazën e një rezolute turpi

  • 29/11/2022 | 17:56

Balla flet pas takimit me Thaçin dhe Veselin në Hagë: Të arrestuar mbi bazën e një rezolute turpi

Kryetari i Grupit Parlamentar të Partisë Socialiste Taulant Balla, ka vizituar sot në burgun e Hagës, ish-presidentin e Kosovës, Hashim Thaçin dhe ish-drejtuesin e UÇK-së, Kadri Veselin, me rastin e festës së Pavarësisë dhe Çlirimit të Shqipërisë.


Pas mbarimit të takimit, në një reagim në Facebook Balla është shprehur se sipas tij komandantët e UÇK-së mbahen të arrestuar, në të njëjtën godinë sikur ata që ushtruan masakrat në Kosovë, Srebrenicë e gjetkë mbi bazën e disa akuzave të paqena.

Sipas tij ata mbahen të arrestuar në bazë të një raporti dhe një rezolute turpi, për ata që e shkruan dhe ata që e votuan.

“U takova sot me Presidentin Hashim Thaçi dhe Kryetarin Kadri Veseli në Hagë. Jemi krenarë për Ushtrinë Çlirimtare të Kosovës, e cila bëri një luftë çlirimtare të pastër e të drejtë, ashtu siç janë luftërat çlirimtare, sepse e drejta për liri ishte në themelin e saj. Sot komandantët e UÇK-së mbahen të arrestuar, në të njëjtën godinë, sikur ata që ushtruan masakrat në Kosovë, Srebrenicë e gjetkë, mbi bazën e disa akuzave të paqena, të një raporti dhe një rezolute turpi, për ata që e shkruan dhe ata që e votuan”, shkruan Taulant Balla.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë