Balla dhe Hasani, dy ministrat shqiptarë nderuan heroin Afrim Bunjaku
-
25/09/2023 | 19:04
Taulant Balla, Ministër i Punëve të Brendshme dhe Ministri i Punëve të Jashtme Igli Hasani, nderuan në Samadrexhe të Vushtrrisë policin hero Afrim Bunjaku.
Njerëz të shumtë janë mbledhur për ceremoninë e varrimit të rreshterit Bunjaku, i cili u vra në krye të detyrës në Veri.
Në mesin e shumë të pranishmëve janë të paktën edhe dy ministrat e Ramës, Balla e Hasani.
Presidentja e Kosovës, Vjosa Osmani e ka shpallur “Hero i Kosovës” policin e vrarë dje në Banjskë të Zveçanit, rreshterin Afrim Bunjaku.
Presidentja Osmani i ka ndarë çmimin “Hero i Kosovës” familjes së policit.
Krah familjarëve, zyrtarëve të lartë e përfaqësuesve të trupit diplomatik në #Kosovë i dhamë sot lamtumirën e fundit, Rreshter Afrim Bunjaku.
Përulemi me nderim dhe respekt punës dhe kujtimit të heroit të Republikës, i cili sakrifikoi jetën e tij për sovranitetin e Kosovës! 🇦🇱🇽🇰 pic.twitter.com/BO8J4xJgBE
— Igli Hasani (@IgliHasani) September 25, 2023
