Loading…

Avokati: Krerët e UÇK’së mund ta padisin Dick Martyn, përfitimet do ishin milionëshe

  • 13/08/2022 | 09:16

Avokati: Krerët e UÇK’së mund ta padisin Dick Martyn, përfitimet do ishin milionëshe

Ish-krerët e Ushtrisë Çlirimtarë të Kosovës mund të padisin Dick Martyn për pretendimet e për tregtinë e jashtëligjshme të organeve të njerëzve në Kosovë dhe Shqipëri.


Kështu ka thënë avokati Skënder Musa në emisionin “Ditari” në Tëvë1.

“Sa i përket padisë civile tashmë veç kushtet ekzistojnë për të paditur Dick Martyn për dëmshpërblim dhe këtë mund ta bëjnë ish-krerët UÇK-së dhe shoqatat e veteranëve sepse në bazë të aktakuzës së ngritur është vërtetuar qartë se raporti i tij ka qenë i rrejshëm dhe një kallëzim i rrejshëm që ka mashtruar dhe ka manipuluar opinionin evropian”, tha ai.

Sipas tij, dëmshpërblimet për këtë do të ishin milionëshe.

“Është një dëm shumë i madh që i ka shkaktuar Kosovën në aspektin moral, por edhe ish-liderëve të UÇK-së… Në vendet perëndimore për këso dëmesh flitet për shumë milionëshe. Por në këtë rast dëmi është i konsiderueshëm dhe i lartë që i ka shkaktuar Kosovës. Dëmin duhet ta llogarisin ekspertët ndërkombëtar”, theksoi Musa.

Raporti i vitit 2010 i hartuar nga senatori i atëhershëm zviceran, Dick Marty dhe i miratuar nga Asambleja Parlamentare e Këshillit të Evropës, pretendon se në trafikim me organe të njerëzve kanë qenë të përfshirë udhëheqës të Ushtrisë Çlirimtare të Kosovës gjatë luftës së viteve 1998-1999.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë